Бесплатные шаблоны Joomla

ЫТЫК КҮӨЛГЭ АЛБАН ААТТААХ Д.А.ПЕТРОВ ОСКУОЛАТЫГАР БАСТАКЫ УРУОК ЧУОРААНА ЧУГДААРДА

Родительская категория: ROOT Категория: Новости школы Опубликовано: 04.09.2019 Автор: Альберт Борисович

Албан Аат уордьан толору кавалера Дмитрий Ананьевич Петров аатынан Ытык Күөл 2№-дээх орто оскуолатын учууталлара, үөрэнээччилэрэ тапталлаах кыһаларыгар үөрэн-көтөн кэллилэр. Маҥнайгы кылааска улуус киэн туттар бэтэрээн учууталлара С.П.Борисова, М.П.Рахлеева, үгүс кырачаан оҕолорго билии аартыгын арыйбыт уопуттаах учуутал А.И.Гоголева сибэкки курдук симэммит, сибэкки дьөрбөлөрүн туппут 74 үөрэнээччини сиэтэн киллэрдилэр.

Үөрүүлээх линейкаҕа Ытык Күөл 2№-дээх оскуолатын бэтэрээн учууталлара, төрөппүттэр, үөрэхтэрин саҥа бүтэрбит эдэркээн учууталлар аҕа саастаах биир идэлээхтэрин алгыстарын ылан бастакы уруоктарын биэрээри сүргэлэрэ көтөҕүллэн кэлбиттэр.

Тэрээһиҥҥэ оскуола дириэктэрэ Дмитрий Вячеславович Сергеев, ыҥырыылаах ыалдьыттар үөрэнээччилэргэ, учууталларга саҥа үөрэх дьылынан истиҥ эҕэрдэлэрин эттилэр. Улуус киинин кырдьаҕас оскуолатыгар саҥа үөрэх дьыла ити курдук саҕаланна. 2021 сыллаахха Д.А.Петров төрөөбүтэ 100 сыла туоларынан быйылгы үөрэх дьылыттан үбүлүөйдээх тэрээһиннэргэ анаммыт үлэ барыахтаах.

 

 

Просмотров: 7